Bachpan

Bachpan ke wo din the pyare,
Sote sote ham jagte the,
Dil hi dil me gussa leke,
Khoob sabere ham uthte the,

Ankh lage jab padhte padhte,
Aur achanak didi thi uthati,
Man bharma me, bat badal ke,
Phir se padhne ham lagte the,

Kitne hi bahane banana,
Kuch bhi ho par school na Jana,
Roni si hum soorat le ke,
Jhuti jhuti kasme kahte the,

Bachpan ke wo din the pyare,
Sote sote hum jagte the.....

Rat andheri itna thi darati,
Sochta tha mai,ye kyun hai ati,
Darte darte jab bahar jate,
Bajrang Bali the bade yad ate,

Sab jab apni mithai khate,
Hum chupke se mutthi me dabate,
Phir hum sabko lalcha lalchke,
Apni wali mithai khate,

Didi thi bada hi satati,
Zara si bat pe daant lagati,
Didi kyun badi hai hamse,
Man hi man sochte rahte the,

Bachpan ke wo din the pyare,
Sote sote hum jagte the.....