KYA YE DESH SIRF MERA HAI

Gungunate hain jab tak panchhi,
Hawayen hain madham,
Pani bahe kal kal jab tak,
Shant sa savera hai,

Meri koi pooch nahi,
Na koi pahchane hai,
Dekh kar bhi andekha kare,
Log bante anjaane hain,
Safedposhon ki badi badi baten,
Khuda walon ki taqriren,
Bhagwan walon ka mandir mudda,
Film staron ki tasveeren,
Udyogpatiyon ke project,
Cricketaron ki ghooskhori ka subject,
Raj thakrey ka Maharashtra,
Narendra modi ka Gujarat,
Itne kolahal se vichlit,
Soche man ka dera hai,
Kya ye desh sirf mera hai,

Jab koi bhuchal aye,
Ya samandar apna taandav dikhaye,
Dushman ka ho akraman,
Ya atankvad ka nirmam pradarshan,

Safedposh nazar nahi ate,
Khuda vale khamosh ho jate,
Mandir wale puja path me dhyan lagate,
Filmkar nayi story pate,
Sankat ka koi samay kya aya,
Raj thakrey ka pata nahi bhaya,
Rahul,modi videsh ko chalen,
Manmohan,Sonia hath hi male,

Aisi vipda ke dauran,
Thoda jab darta har insan,
Mai apni jismo Jan lagake,
Vatan apne kandhon pe uthake,
Dukh ki Kali rat bita ke,
Ek naya savera lata hun,
Fir desh "INHI" ke havale karke,
Jab dheere dheere jata hun,
To phir sochta hai man mera,
Kya ye desh sirf mera hai..